Çinin Xarici İşlər Nazirliyi Yaponiyanı əzələ nümayiş etdirməyi dayandırmağa və təcavüz tarixini yada salmağa çağırır.

Çin mediasının məlumatına əsasən, Yaponiya ABŞ-Filippin birgə hərbi təlimlərində iştirak etmək niyyətindədir və ötən həftə yapon qırıcısı təlimlərin keçiriləcəyi bölgəyə gedərkən Tayvan boğazından keçib.

“İkinci Dünya Müharibəsi zamanı Yaponiya Filippinlər də daxil olmaqla Cənub-Şərqi Asiya ölkələrini işğal etdi və müstəmləkəsinə çevirdi və beləliklə ağır tarixi məsuliyyəti boynuna götürdü. Yaponiya təcavüz tarixi barədə ciddi şəkildə düşünməli və hərbi gücünü hər yerə nümayiş etdirmək və regional sabitliyi sarsıtmaq əvəzinə, hərbi və təhlükəsizlik sahələrində ağıllı davranmalıdır” – Çinin Xarici İşlər Nazirliyinin mətbuat katibi Quo Dziakun bildirib.