Çinin Ticarət Nazirliyi – Çin Tramp tərəfindən tətbiq edilən rüsumlara qətiyyətli cavab tədbirləri ilə cavab verəcək

Çin Tramp tərəfindən tətbiq edilən rüsumlara qətiyyətli cavab tədbirləri ilə cavab verəcək – bu haqda Çinin Ticarət Nazirliyi bəyan edir.

Çinin Ticarət Nazirliyi ABŞ-ni “birtərəfli rüsum tədbirlərini dərhal ləğv etməyə və ticarət mübahisələrini tərəfdaşlarla bərabərhüquqlu dialoq yolu ilə həll etməyə” çağırıb.

“Çin bu addıma qəti şəkildə qarşı çıxır və öz hüquq və maraqlarını qorumaq üçün qətiyyətli cavab tədbirləri görəcək” – nazirliyin nümayəndəsi bildirib.

“BBC”nin yazdığı kimi, Trampın bütün Çin mallarına artıq qüvvədə olan 20%-dən başqa əlavə 34% rüsum tətbiq edən bugünkü bəyanatından Çin ehtimal ki, ən çox zərər görüb.