Çinin xarici işlər naziri Pekin, Moskva və Vaşinqtonun bu gün qəbul edilmiş sülh bəyannaməsinin bəndlərini tam həyata keçirməyə hazır olduğunu bildirir
Çinin xarici işlər naziri Vanq İ Pekin, Moskva və Vaşinqtonun bu gün qəbul edilmiş sülh bəyannaməsinin bəndlərini tam həyata keçirməyə hazır olduğunu bildirir.
O, Si Dzinpin, Donald Tramp və Vladimer Putinin görüşünün tarixi əhəmiyyətli hadisə olduğunu, liderlərin qəbul etdiyi bəyannamənin isə dünyaya sülh gətirəcəyini deyib.
“Bu, tarixdə üç ölkənin liderləri arasında ilk görüş idi. Onun böyük əhəmiyyəti və geniş təsiri var idi və tarixə düşəcək. Görüş səmimi, dostcasına və konstruktiv keçdi. Üç lider konsensus silsiləsinə nail oldu və dünya üçün sülh bəyannaməsi dərc etdi. Onun mahiyyəti dünya sülhünün birgə qorunmasına və böyük ölkələr arasındakı münasibətlərdə strateji sabitliyin dəstəklənməsinə aid idi” – Vanq İ açıqlayıb.
O, Pekinin bəyannamənin bəndlərini həyata keçirmək üçün Moskva və Vaşinqtonla işi davam etdirəcəyini deyib.
“Gələcəkdə Çin bu görüşdə əldə olunmuş konsensusun tam və səmərəli şəkildə həyata keçirilməsi üçün Rusiya və Birləşmiş Ştatlarla işləyəcək, işçi səviyyəli kanallar vasitəsilə ünsiyyəti və koordinasiyanı qoruyub saxlayacaq və daha yaxşı dünya qurmaq üçün birgə səyləri yorulmadan gücləndirəcək” – o, qeyd edib.
Vanq İ həmçinin Çində keçirilən APEC sammitindən danışıb və qeyd edib ki, onun çərçivəsində bir sıra mühüm ikitərəfli və ya çoxtərəfli görüş keçirilib.
“Son iki gün ərzində Prezident Si Dzinpin liderlərin qeyri-rəsmi görüşünə rəhbərlik edirdi, APEC-in icraçı direktorlarının sammitinin açılış mərasimində iştirak edib, ikitərəfli görüşlər keçirib, Çin, Rusiya və Birləşmiş Ştatların liderləri arasında görüşlərə rəhbərlik edib və onları intensiv şəkildə həyata keçirib. Təxminən iyirmi ikitərəfli və çoxtərəfli görüş baş tutub” – Çinin xarici işlər naziri açıqlayıb.
Məlumat üçün bildirək ki, bu gün Donald Tramp, Si Dzinpin və Vladimer Putin dördbəndlik birgə bəyannamə qəbul ediblər.
Liderlərin birgə bəyanatına əsasən, onlar BMT-nin islahatlarına dəstək vermək öhdəliyi götürürlər. Onlar həmçinin artan tələbata uyğun olaraq neft məhsullarının istehsalını artırmaq barədə razılığa gəliblər. Bununla yanaşı, Çin, ABŞ və Rusiyanın liderləri Beynəlxalq Cinayət Məhkəməsini öz yurisdiksiyasından sui-istifadə etməməyə çağırıblar.