European Commission-in “Made in Europe” planı Çində tənqid olunub və Pekin mümkün cavab tədbirləri barədə xəbərdarlıq edib.
Yeni qaydalara əsasən, şirkətlər dövlət maliyyəsi almaq üçün məhsullarında müəyyən qədər yerli komponentlərdən istifadə etməlidirlər. Bu tələblər avtomobil sənayesi, yaşıl texnologiyalar və metallurgiya kimi sahələrə aiddir.
Avropa Komissiyası bu təklifi mart ayında təqdim edib, lakin əvvəlcə üzv ölkələr arasındakı fikir ayrılıqları səbəbindən gecikib. Pekində isə bu qanun “sistemli ayrı-seçkilik” kimi qiymətləndirilib.
Çinin Ticarət Nazirliyindən bildirilib: “Əgər Avropa İttifaqı bu qanunvericiliyi qəbul edər və Çin şirkətlərinin maraqlarına zərər verərsə, Çinin cavab tədbirləri görməkdən başqa seçimi qalmayacaq.”
Qeyd olunur ki, bu təşəbbüs Avropa İttifaqının rəqabət qabiliyyətini artırmaq və sənaye sektorlarını qorumaq strategiyasının bir hissəsidir. Fevral ayında Aİ liderləri ABŞ və Çinlə rəqabət fonunda vahid bazarın inkişafını sürətləndirmək barədə razılığa gəliblər.