Çin birlikdə daha yaşıl, çevik və daha inklüziv gələcək qura bilməyimiz üçün Gürcüstan və digər ölkələrlə yüksək texnologiyalar, təmiz enerji, rəqəmsal iqtisadiyyat, infrastruktur və mədəniyyət sahələrində münasibətləri dərinləşdirməyi gözləyir – bu barədə Çinin Gürcüstandakı səfiri Cou Tsien “Sülhün davamlı sosial-iqtisadi inkişafda rolu” adlı Regional Davamlı İnkişaf Forumunda deyib.

O bildirib ki, Gürcüstan kimi ölkələrlə münasibətlər Çin üçün hər zaman prioritetdir.

“Dünya yaşıl transformasiya və texnoloji inqilabın kritik mərhələsindədir. Yaşıl iqtisadiyyat şəraitində dayanıqlı artıma necə nail olmaq üzləşdiyimiz məsələdir. Çin dünyanın ikinci ən böyük iqtisadiyyatıdır. Gürcüstan kimi ölkələrlə münasibətlər bizim üçün hər zaman prioritetdir. Çin birlikdə daha yaşıl, çevik və daha inklüziv gələcək qura bilməyimiz üçün Gürcüstan və digər ölkələrlə yüksək texnologiyalar, təmiz enerji, rəqəmsal iqtisadiyyat, infrastruktur və mədəniyyət sahələrində münasibətləri dərinləşdirməyi gözləyir. Dünya indi bir sıra çağırışlarla üzləşib və dialoq və əməkdaşlığın dərinləşdirilməsi vacibdir. Beynəlxalq vəziyyətin necə dəyişəcəyinin əhəmiyyəti yoxdur, Çin ortaq gələcəyi olan beynəlxalq cəmiyyətin qurulmasına dəstək olmaq üçün gürcü xalqı ilə birlikdə işləməyə sadiq qalacaq. Kommunikasiya və əməkdaşlığı gücləndirək, “Kəmər və Yol” və “Orta Dəhliz”in sinerjisini gücləndirək. Çin atalar sözü deyir ki, sülh olmadan inkişaf köksüz ağac kimidir” – Çin səfiri bildirib.