Amerika Birləşmiş Ştatlarının daxili məhkəməsində qondarma məhkəmə prosesi Venesuelanın milli suverenliyini ciddi şəkildə pozur – bu haqda Çinin Xarici İşlər Nazirliyinin mətbuat katibi Mao Nin deyib.

Onun sözlərinə əsasən, ABŞ-nin hərəkəti beynəlxalq münasibətlərin sabitliyini sarsıdır.

“Amerika Birləşmiş Ştatları Venesuela Prezidenti Nikolas Maduronu açıq şəkildə ittiham etməklə və öz məhkəməsində qondarma “məhkəmə prosesi” keçirməklə onun dövlət başçısı statusunu göz ardı edib, bununla da Venesuelanın milli suverenliyini kobud şəkildə pozub. Həmçinin, bu, beynəlxalq münasibətlərin sabitliyini sarsıdır. Heç bir ölkə öz qaydalarını beynəlxalq hüquqdan üstün tuta bilməz. Çin Amerika Birləşmiş Ştatlarını prezident Maduro və həyat yoldaşını dərhal azad etməyə və onların şəxsi təhlükəsizliyini təmin etməyə çağırır” – Mao Nin bildirib.