“China Eastern Airlines”ın vitse-prezidenti – Şanxay və Tbilisi arasında birbaşa uçuşların başlaması ölkələr arasında iqtisadi əməkdaşlığın və xalqlararası münasibətlərin inkişafına kömək edəcək

Bu, Çin və Gürcüstan arasında turizmin, iqtisadi əməkdaşlığın və xalqlararası münasibətlərin inkişafına kömək edəcək, daha rahat platforma yaradacaq.

Çin Hava Yolları bu gün ilk uçuşunu həyata keçirdi və Tbilisi Beynəlxalq Hava Limanına uğurlu eniş etdi. Bu hadisə hər iki ölkənin rəhbərliyi tərəfindən çox böyük dəstək görürdü – bu haqda “China Eastern Airlines” şirkətinin vitse-prezidenti Xe Siaotsun Şanxaydan Tbilisiyə ilk birbaşa aviareysin yerinə yetirildiyi Tbilisi Beynəlxalq Hava Limanında deyib.

Onun sözlərinə əsasən, bugünkü reysin uğurla yerinə yetirilməsi Çin ilə Qafqaz regionu arasında yeni, yüksək keyfiyyətli uçuşların təmin edilməsinə imkan yaradır.

“Bu, Çin və Gürcüstan arasında turizmin, iqtisadi əməkdaşlığın və xalqlararası münasibətlərin inkişafına kömək edəcək, daha rahat platforma yaradacaq. Şanxay və Tbilisi arasında birbaşa uçuşların başlaması mühüm rol oynayacaq və ölkələr arasındakı münasibətlərə yeni güc qatacaq. Şanxay Çinin ən mühüm iqtisadi və biznes mərkəzlərindən biri, həmçinin qlobal biznes qovşağıdır, Gürcüstan isə Avropa ilə Asiyanı birləşdirən körpüdür.

Beləliklə, Gürcüstanın Şanxayın üstünlüklərini və biznes imkanlarını daha yaxşı tanımaq imkanı olacaq. “China Eastern Airlines” bu istiqamətdə aktiv rol oynamaq — iki ölkə arasında turizmin inkişafına, biznes tərəfdaşlığının dərinləşməsinə kömək etmək və Çinlə Gürcüstan arasında bir növ dostluq körpüsünə çevrilmək üçün böyük istək nümayiş etdirir” – “China Eastern Airlines”ın vitse-prezidenti Xe Siaotsun bildirib.