Bu gün bizdə imkan oldu ki, iqtisadiyyat sahəsində 2024–2025-ci illərin ilkin nəticələri və həmçinin 2025-ci ilin ilk beş ayının göstəriciləri haqqında danışaq. Bu göstərici artıq 330 milyon dolları keçib ki, bu da ötən ilin müvafiq dövrü ilə müqayisədə 20%-ə qədər çoxdur, – bunu Azərbaycanın xarici işlər naziri Ceyhun Bayramov gürcü həmkarı Maka Boçorişvili ilə birgə keçirdiyi brifinqdə bildirib.

Onun sözlərinə görə, bu dinamika ilin sonuna qədər davam edəcək.

“Bu gün bizdə müxtəlif istiqamətlərdə müzakirələr aparmaq imkanı oldu – həm iqtisadi sahədə, həm də hər iki ölkənin baş nazirlərinin rəhbərliyi ilə fəaliyyət göstərən hökumətlərarası iqtisadi komissiyanın əhəmiyyəti barədə. İqtisadiyyat sahəsində 2024–2025-ci illərin ilkin nəticələrini və həmçinin 2025-ci ilin ilk beş ayının göstəricilərini müzakirə etdik – bu göstərici artıq 330 milyon dolları keçib ki, bu da ötən ilin eyni dövrü ilə müqayisədə 20% çoxdur. Əminik ki, bu dinamika ilin sonuna qədər davam edəcək. Ümumiyyətlə, Azərbaycan Respublikası dövlət səviyyəsində də, şirkətlər vasitəsilə də Gürcüstan iqtisadiyyatında çox aktivdir. Azərbaycan Gürcüstanda əsas investor ölkədir və illər ərzində Azərbaycan tərəfindən Gürcüstan iqtisadiyyatına 3.6 milyard dollar sərmayə yatırılıb. Xanım nazir də qeyd etdi ki, ölkələrimizin iştirakı ilə həyata keçirilən nəhəng layihələr ölkələrimizin rifahına böyük töhfə verəcək və bu layihələrin effektivliyi və faydası daha geniş coğrafiyaya aiddir və qlobal əhəmiyyət daşıyır. Bir neçə layihəni qeyd edərdim: Bakı-Tbilisi-Ceyhan layihəsi, həmçinin Cənub Qaz Dəhlizi, Bakı-Tbilisi-Qars dəmir yolu layihəsi də çox önəmlidir və digərləri. Bu layihələr illərdir davam edən və onilliklər boyu davam edəcək uğurlu əməkdaşlığımızın nəticəsidir,” – deyə Azərbaycanın xarici işlər naziri bildirib.

Onun sözlərinə görə, iki ölkə arasındakı əməkdaşlıq bu layihələrlə və bu istiqamətlərlə məhdudlaşmamalıdır.

“Azərbaycan və Gürcüstanın iştirakı ilə hazırda bir sıra layihələr həyata keçirilir. Alternativ enerji sahəsində layihələrdə Azərbaycanın yaşıl enerji resurslarının Gürcüstan ərazisindən və Qara dəniz vasitəsilə Avropa bazarına çatdırılması xüsusi əhəmiyyət kəsb edir. Bu layihə çərçivəsində Gürcüstan və Azərbaycan bir sıra Avropa ölkələri və Türkiyə ilə əməkdaşlıq edir və layihə uğurla davam edir. Ötən ilin noyabrında COP29 çərçivəsində bir sıra dost ölkələr, eləcə də Mərkəzi Asiya ölkələri – Özbəkistan və Qazaxıstan öz alternativ enerji potensialından istifadə edərək bu layihədə iştirak etmək istəyini ifadə etdilər və müvafiq addımlar atılmağa başlanıb. Düşünürük ki, bu çox müsbət nəticələr verəcək,” – deyə Ceyhun Bayramov qeyd edib.

Onun sözlərinə görə, ölkələr arasında çox işlər görülür və Orta Dəhlizdə yüklərin artırılması da müzakirə olunur.

“Bu gün biz bu barədə müzakirə imkanına sahib olduq. Daha böyük potensialımız var, əminik ki, fəaliyyətimiz qarşıdakı illərdə də sistemli şəkildə uğurla davam edəcək. Mövcud əməkdaşlıq perspektivləri haqqında danışdıq, həmçinin ölkələrimizin coğrafi üstünlükləri barədə də fikir mübadiləsi apardıq. Düşünürük ki, turizm sahəsində də böyük potensialımız var. Humanitar sahə isə hər zaman görüşlərimizin önəmli hissəsini təşkil edir. Əsas istiqamətlərdən biri mədəniyyət, təhsil və gənclər siyasətidir,” – deyə Azərbaycanın xarici işlər naziri bildirib.

Material sinxron tərcümə əsasında hazırlanmışdır.