İsrailin Cənubi Livanda həyata keçirdiyi hava zərbələri nəticəsində azı 11 nəfər həlak olub, onların arasında qadınlar və uşaqlar da var.

Yayılan məlumatlara görə, hücum nəticəsində yaralananlar da var.

Livanın Dövlət Milli İnformasiya Agentliyi xəbər verir ki, son bir saat ərzində bir neçə zərbə endirilib, o cümlədən Kasmiyə kəndi yaxınlığında baş verən hücumda 15 nəfər yaralanıb.

İsrail Müdafiə Qüvvələri Litanı çayı üzərində yerləşən Kasmiyə körpüsünə yenidən zərbə endirib və onu tamamilə məhv edib.

Livan təhlükəsizlik xidmətinin yüksək vəzifəli nümayəndəsinin sözlərinə görə, bu zərbə Cənubi Livanın qalan hissəsi ilə əlaqəni təmin edən son körpünü də sıradan çıxarıb və onun bərpası mümkün deyil.

Son həftələrdə İsrail Müdafiə Qüvvələri Cənubi Livanda yaşayan mülki şəxslərə Litanı çayının şimalında, Zəhrani çayından yuxarı ərazilərə təxliyə olunmaları barədə dəfələrlə xəbərdarlıq edib.