İnanıram ki, Cənubi Qafqaz ölkələri – Gürcüstan, Azərbaycan və Ermənistan birlikdə işləməlidirlər, çünki bu mürəkkəb regiondur – bu barədə amerikalı professor, Kolumbiya Universitetinin Davamlı İnkişaf Mərkəzinin direktoru Cefri Saks Antalyada gürcü jurnalistlərə bildirib.

O, birgə səylərlə Cənubi Qafqazın səmərəli işləyə biləcəyini hesab etdiyini deyib.

“Avropalılar və Amerika Birləşmiş Ştatları gürcü siyasətinə qarışmağı dayandırmalıdırlar. Düşünürəm ki, təsirlər və müdaxilələr heç bir fayda gətirmir. Ümid edirəm ki, bu insanlar Gürcüstana öz siyasətinin olmasına, Brüsseldən və ya başqa bir yerdən gələn narahatlıq olmadan daxili işlərinin olmasına imkan verəcəklər.
İkincisi, inanıram ki, Cənubi Qafqaz ölkələri – Gürcüstan, Azərbaycan və Ermənistan həm Şərq-Qərb və Şimal-Cənub dəhlizlərinin iqtisadi strategiyası, həm də təhlükəsizlik sahəsində birlikdə işləməlidirlər, çünki bu, bir qədər çətin regiondur. İnanıram ki, birgə səylərlə Cənubi Qafqaz səmərəli işləyə biləcək. Kənardan gələn bütün bu narahatlıq və həyəcan həqiqətən yaxşı deyildi” – Cefri Saks bildirib.

Bununla yanaşı, amerikalı professorun qiymətləndirməsinə əsasən, ABŞ tərəfindən Gürcüstanda NATO ideyasının inkişaf etdirilməsi region üçün sabitliyi pozan amilə çevrilib.

“Tarixi prizma ilə baxsaq, səmimi desəm, ABŞ Gürcüstanda NATO ideyasının inkişaf etdirilməsinə başlayanda, təəssüf ki, bu, bütün region üçün həqiqətən destabilizasiya amilinə çevrildi. Bu, mənim şəxsi fikrimdir. NATO Ukraynadan da uzaq qalmalı idi və bu gün bütün dünya nisbətən daha təhlükəsiz olardı, çünki Rusiya ilə əvvəlcə bu qədər gərginlik və indi hamı üçün destabilizasiya gətirən müharibə yaranmazdı” – Saks qeyd edib.