Bu gün parlament sarayında “sarı təhlükəsizlik” səviyyəsi tətbiq ediləcək
Gürcüstan Parlamenti əlavə təhlükəsizlik tədbirləri ilə bağlı bəyanat yayır.
Bəyanatda qeyd edildiyi kimi, bu gün parlamentin sədri Şalva Papuaşvili parlamentdə illik hesabatla çıxış edəcək və bununla əlaqədar olaraq, parlament sarayında “sarı təhlükəsizlik” səviyyəsi tətbiq ediləcək.
“Cari ilin mayın 14-də plenar iclasda Gürcüstan Parlamentinin sədri parlamentin fəaliyyəti haqqında illik hesabat və gələn il üçün fəaliyyət planı haqqında məruzə ilə çıxış edəcək.
Bununla əlaqədar olaraq, “Gürcüstan Parlament sarayında təhlükəsizliyin müdafiəsi qaydasının təsdiq edilməsi haqqında” Gürcüstan Parlamentinin sədrinin 4 sentyabr 2023-cü il tarixli N1/259/23 əmrinə uyğun olaraq, cari ilin mayın 14-də parlament sarayında “sarı təhlükəsizlik” səviyyəsi tətbiq ediləcək – ziyarətçilərin parlament sarayına girişi məhdudlaşdırılır.
Planlaşdırılan parlament tədbirlərinə, o cümlədən komitə və plenar iclaslara müvafiq struktur vahidləri tərəfindən dəvət edilmiş şəxslər buraxılacaq.
Parlament tədbirləri başa çatana qədər binaya հər bir yayımçıdan ikidən çox olmayan akkreditə olunmuş televiziya yayımçıları/telemedia vasitələrinin qrupu buraxılacaq.
Sözügedən tədbirin məqsədi Gürcüstan Parlament sarayında iş və təhlükəsiz mühitin təmin edilməsidir” – bəyanatda qeyd olunub.