Böyük Britaniyanın kralı Çarlz sentyabrda ABŞ Prezidenti Donald Trampa ev sahibliyi edəcək

11:07, 14.07.2025

Böyük Britaniyanın kralı Çarlz sentyabrda ABŞ Prezidenti Donald Trampa ev sahibliyi edəcək. “Reuters” məlumatı Bukinqem Sarayına istinadən yayır.

Tramp sentyabrın 17-də Böyük Britaniyaya gedəcək.

“Əlahəzrət kral prezident və xanım Trampa Vindzor qəsrində ev sahibliyi edəcək” – sarayın bəyanatında deyilir və əlavə təfərrüatların zaman ərzində məlum olacağı qeyd olunub.

ABŞ Prezidenti müasir dövrdə Britaniya monarxlarının iki dövlət səfəri ilə ev sahibliyi etdiyi ilk seçilmiş siyasi lider olacaq.

Xatırladaq ki, kraliça II Elizabet 2019-cu ilin iyununda, ilk səlahiyyət müddətində Trampı Bukinqem Sarayında üç günlük dövlət səfəri ilə qəbul edib.

Müəllif - Sevinj Mustafaeva

Dünya