Böyük Britaniya Rusiyaya qarşı sanksiyalar siyahısını genişləndirib. Britaniya hökuməti sanksiya tətbiq edilənlər siyahısına iki fiziki və beş hüquqi şəxsi əlavə etdiyini bəyan edib.

Sənədə əsasən, sanksiya tətbiq edilənlər arasında rus ideoloq Aleksandre Duqin və bloqer Mixeil Zvinçuk var.

“Duqin Ukraynanın destabilləşməsində iştirak edirdi və ya qoşulub, çünki o, Ukraynada destabilləşmə yaradan və ya Ukraynanın ərazi bütövlüyünü, suverenliyini və ya müstəqilliyini sarsıdan istənilən siyasət və ya hərəkətə görə məsuliyyət daşıyır, iştirak edir, dəstəkləyir və ya kömək edir” – sənəddə yazılıb.

Həmçinin, sanksiyalar Duqin tərəfindən təsis edilən Geosiyasi Tədqiqatlar və İnformasiya Resursları Mərkəzinə, Xaricdə Rusiya Vətəndaşlarının Hüquqlarının Müdafiəsi Fonduna və Brüsseldə qeydiyyatdan keçmiş EUROMORE, GOLOS və RYBAR təşkilatlarına əlavə edilib.

Sanksiyalar Duqin və Zvinçukun Böyük Britaniyaya girişinə qadağa qoyulmasını, eləcə də onların və ölkədəki sanksiya tətbiq edilən təşkilatların fəaliyyətinin dondurulmasını əhatə edir.