Böyük Britaniya kralı Çarlz, qardaşı Endryu Mauntbaten-Uindsorun həbsindən sonra bildirib ki, qanun öz işini görməlidir.

Kral həmçinin qeyd edib ki, istintaqa tam əməkdaşlıq edəcək:

“Endryu Mauntbaten-Uindsorla bağlı xəbərləri dərin narahatlıqla öyrəndim və ictimai vəzifələrdən sui-istifadə şübhəsi ilə bağlı məsələni diqqətlə izləyirəm. Bu məsələ müvafiq qaydada və müvafiq orqanlar tərəfindən tam, ədalətli və uyğun prosedurla araşdırılacaq.

Daha əvvəl də qeyd etdiyim kimi, onlar bu prosesdə bizim tam və səmimi dəstəyimizi və əməkdaşlığımızı alıblar. İcazə verin, açıq şəkildə deyim: qanun öz işini görməlidir. Proses davam etdiyi üçün mənim əlavə şərh verməm düzgün olmazdı. Bu müddətdə mən və ailəm öz vəzifəmizi yerinə yetirməyə və sizə xidmət etməyə davam edəcəyik.”