Fransa və Böyük Britaniya Ukraynaya daha çox dəstək göstərmə barəsində razılığa gəldilər

Məlumatı Böyük Britaniya baş nazirinin administrasiyası yayır.

Boris Conson və Emmanuel Makron Almaniyada keçirilən “Böyük Yeddilik” sammiti çərçivəsində görüş keçirdilər.

“Liderlər Ukrayna böhranını müzakirə etdilər. Onlar razılaşdılar ki, indi münaqişənin inkişafı istiqamətində kritik məqamdır və bu müharibənin gedişatını dəyişmək imkanı var. Hər ikisi, baş nazir və prezident Makron həm müharibədə, həm də gələcək danışıqlarda Ukraynaya dəstəyin gücləndirilməsinin mümkünlüyünü xüsusilə qeyd etdilər”, – Böyük Britaniya baş nazirinin administrasiyasının məlumatında deyilir.

Bununla yanaşı rəsmi məlumata görə, Conson Makrona bəyan etdi ki, hazırda Rusiya ilə istənilən növ danışıqlar təhlükəlidir.

“Baş nazir vurğuladı ki, münaqişənin həlli üçün istənilən cəhd yalnız qeyri-sabitliyi uzadacaq və Putinə həm suveren dövlətləri, həm də beynəlxalq bazarı daimi manipulyasiya etməyə imkan verəcək”,  məlumatda deyilir.