Britaniya hərbi kəşfiyyatı hesab ki, Rusiyanın Ukraynaya hücumu yaxın bir neçə ay ərzində yavaşlayacaq, çünki ordusunun resursları tükənir, – bu barədə Avropa mediasına müsahibəsində Böyük Britaniyanın baş naziri, Boris Conson bəyan etdi.

Britaniya baş nazirinin dediyinə görə, Vladimir Putinin qüvvələri Ukraynanın Donbass bölgəsində irəliləyir, lakin bu, onlara böyük hərbi və silah itkisi bahasına başa gəlir.

“Bizim hərbi kəşfiyyatımız inanır ki, yaxın bir neçə ay ərzində Rusiya resurslarının tükəndiyi üçün daha irəli gedə bilməyəcək bir nöqtəyə gələ bilər. O zaman biz Ukraynaya dinamikanı dəyişməyə kömək etməliyik. Mən bu arqumenti Böyük Yeddilik sammitində müdafiə edəcəm”, – Boris Conson bəyan etdi.

Böyük Yeddilik sammiti bu həftənin sonunda Almaniyada keçirləcək.

Ukraynanın qələbəsi və ya Vladimir Putinin məğlubiyyəti nə olacaq sualına Boris Conson bəyan etdi ki, bu ən azı fevralın 24-nə qədər mövcud olan status-kvonu bərpa etməkdir.