BMT-nin İnsan Hüquqları üzrə Ali Komissarının Ofisi bəyan edir ki, ABŞ-nin Venesuelaya müdaxiləsi beynəlxalq hüququn pozulmasıdır. Təşkilat beynəlxalq ictimaiyyəti qeyd olunan məsələ ilə bağlı öz mövqeyini aydın şəkildə ifadə etməyə çağırır.

BMT-nin İnsan Hüquqları Ofisi ABŞ-nin əməliyyatının Venesueladakı vəziyyəti daha da pisləşdirə biləcəyindən ehtiyat edir. Onların sözlərinə əsasən, ABŞ-nin hərəkətləri güclü ölkələrin istədiklərini edə biləcəyini göstərir.

“Sky News”un məlumatına əsasən, dünyanın bir sıra lideri ABŞ-ni və onun lideri Donald Trampı tənqid etməkdən çəkinib. Onların arasında Trampı tənqid etməkdən çəkinən və Venesuela prezidenti Nikolas Maduronun həbsinin beynəlxalq hüququ pozub-pozmadığını izah etməyən Birləşmiş Krallığın Baş naziri Kir Starmer də var.

ABŞ tərəfindən Maduronun saxlanılmasından sonra Starmer, Böyük Britaniyanın Karakasda keçirilən əməliyyatda iştirak etmədiyini, lakin Trampla danışmaq və “faktları müəyyən etmək” istədiyini bildirib.