Bloombergin məlumatına görə, Rusiyada neft emalı son 17 ilin ən aşağı səviyyəsinə düşüb

13:05, 01.05.2026

Bloombergin məlumatına görə, Ukrayna tərəfindən Rusiyanın neft infrastrukturuna hücumların intensivləşməsi nəticəsində ölkədə neft emalı həcmi gündəlik 4,69 milyon barrelə düşüb. Bu göstərici 2009-cu ilin dekabrından bəri ən aşağı səviyyədir.

Məlumata əsasən, apreldə Ukrayna Rusiya neft emalı zavodlarına, dəniz obyektlərinə — o cümlədən ixrac terminalları və boru kəmərlərinə — ümumilikdə 21 hücum həyata keçirib. Hədəf ən azı 9 neft emalı zavodu olub, onlardan 5-i ya tam, ya da qismən fəaliyyətini dayandırıb.

Ukrayna mənbələrinin bildirdiyinə görə, apreldə Rusiya neft emalı zavodlarına təkrar zərbələr strategiyasına qayıdılıb ki, bu da obyektlərin tez bərpasını çətinləşdirir.

Müəllif - Alina Namazova

Dünya