Birləşmiş Su Təchizatı Şirkəti regional xidmətlər üçün yeni xüsusi texnika alıb, texnika bölgələr üzrə paylanacaq

Gürcüstanın İnfrastruktur Nazirliyinin tabeliyində olan Birləşmiş Su Təchizatı Şirkəti regional xidmətlər üçün yeni JCB tipli çoxfunksiyalı xüsusi texnika alıb.

İnfrastruktur Nazirliyinin məlumatına görə, alınmış texnika mərhələli şəkildə şirkətin fəaliyyət göstərdiyi bütün regionlara, regional xidmət mərkəzlərinə və müvafiq əməliyyat bölmələrinə mövcud ehtiyaclar nəzərə alınmaqla paylanacaq.

Xüsusi texnikadan su təchizatı və kanalizasiya şəbəkələrində aparılan işlər, qəza nəticələrinin aradan qaldırılması, torpaq işləri və digər texniki tədbirlərin həyata keçirilməsi üçün istifadə olunacaq.

Yeni texnika regional qruplara işləri daha sürətli və səmərəli yerinə yetirməyə kömək edəcək, qəza hallarına operativ reaksiya imkanlarını və xidmət keyfiyyətini artıracaq.

Gürcüstanın Birləşmiş Su Təchizatı Şirkəti regionlarda texniki resursların yenilənməsini və əməliyyat imkanlarının gücləndirilməsini mərhələli şəkildə davam etdirir.