Birləşmiş Ərəb Əmirliklərinin müdafiə qurumu İrandan Əmirliklər istiqamətində iki ballistik raket buraxıldığına dair məlumat verir

Birləşmiş Ərəb Əmirliklərinin Müdafiə Nazirliyində İrandan ölkə istiqamətində iki ballistik raketin buraxıldığını bəyan edirlər. Qurumun məlumatında onlardan heç birinin quru ərazisinə düşmədiyi deyilir.

“Ölkənin hava hücumundan müdafiə sistemləri İrandan Əmirliklər istiqamətində buraxılmış iki ballistik raketi qeydə alıb. Birinci raket ölkənin ərazi sularından kənarda, ikincisi isə ərazi sularına düşüb. Müdafiə Nazirliyi bəyan edir ki, hələ də yüksək hazırlıq vəziyyətindədir, istənilən təhlükənin öhdəsindən gəlməyə və Birləşmiş Ərəb Əmirliklərinin təhlükəsizliyini sarsıtmağa yönəlmiş istənilən cəhdə qətiyyətli cavab verməyə tam hazırdır. Bu, ölkənin suverenliyini, təhlükəsizliyini və sabitliyini, eləcə də onun mənafelərini və milli imkanlarını qorumaq üçün ediləcək” – Birləşmiş Ərəb Əmirliklərinin Müdafiə Nazirliyinin sosial şəbəkədə dərc olunan bəyanatında qeyd olunur.

İran tərəfindən hələlik bu məlumatla bağlı şərh verilməyib.

“Reuters”in məlumatına əsasən, Birləşmiş Ərəb Əmirliklərinin Daxili İşlər Nazirliyi vətəndaşların telefonlarına vəziyyətin təhlükəsiz olduğunu bildirən və əhalini adi fəaliyyətini davam etdirməyə çağıran bildiriş göndərib. Bildiriş qurumun əhalini raket təhlükəsi barədə xəbərdar etməsindən sonra göndərilib.