Bu gün “Gürcü Arzusu” ilə ikinci tərəfdə dayanmış “Kollektiv Milli Hərəkat” arasında o qədər aydın fərq mövcuddur ki, ictimaiyyət üçün seçim etmək çox sadədir – bu haqda “Gürcü Arzusu”nun fəxri sədri Bidzina İvanişvili Zuqdididə seçki tədbirində çıxışı zamanı deyib.

İvanişvilinin qeyd etdiyi kimi, “Gürcü Arzusu” komandası onlar tərəfindən başladılmış Avropa yolunu gürcü xalqı ilə birlikdə məntiqlə tamamlamaq və ləyaqəti qorumaqla Avropa İttifaqına üzv ola bilər.

“Komandamızın ölkədə sülhü, sabitliyi və rifahı təmin etmək üçün təcrübəsi, qabiliyyəti və ən əsası siyasi iradəsi var. Biz, bizim tərəfimizdən başladılmış Avropa yolunu gürcü xalqı ilə birlikdə məntiqlə tamamlaya və ləyaqəti qorumaqla Avropa İttifaqına üzv ola bilərik. Buna cavab olaraq, xarici qüvvələrin agenturası yenə də müharibə, xaos və yoxsulluq istəyir, bu da ölkənin məhvinə aparır.

Daxili və xarici düşmənlərə Gürcüstanı məhvə məhkum etmələrinə imkan verməməliyik. Onlar bu günə kimi başa düşə bilməyiblər ki, cəmiyyəti çaşdırmağa nə qədər çalışsalar da, iki Gürcüstan yoxdur. Gürcüstan yalnız birdir, onun əhalisi sülh, ləyaqət və firavanlıqla, öz dəyərlərini qorumaqla Avropa ailəsinin üzvü olmaq istəyir. Məhz bu məni inandırır ki, oktyabrın 26-da biz yenidən birləşəcəyik, qalib gələcəyik və ölkəni əmin-amanlığa aparacağıq” – Bidzina İvanişvili bildirib.