Bu gün rəqiblərimiz tərəfindən hansı bəyanatlar verilməsindən asılı olmayaraq, obyektiv olmasa, cəmiyyət reaksiya verməyəcək – bu barədə “Gürcü Arzusu”nun fəxri sədri Bidzina İvanişvili seçkilərdə səs verdikdən sonra jurnalistlərə deyib.

Onun qiymətləndirməsinə görə, əhali ağı qaradan ayırmağı, düzgün seçim etməyi öyrənib.

“Bu gün ölkəmizin tarixində daha bir mühüm gündür. Son dövrlərdə Gürcüstanda azad seçkilər sarsılmaz olaraq keçirilir, bu gün də maraqlı və çox mühüm seçkilərdən biridir. Son illərdə azad söz, biznes və həyatı bərqərar edə bildiyimiz kimi, partiyamız “Gürcü Arzusu” ictimaiyyətə azad seçim etmək imkanı verdi. 13 ildir “Gürcü Arzusu” hakimiyyətdədir, biz bütün sahələrdə heyrətamiz uğurlara nail olmuşuq, cəmiyyətlə birlikdə. Lakin, vurğulaya biləcəyimiz ən böyük uğur, nailiyyət odur ki, “Gürcü Arzusu”nun üzvləri, eləcə də cəmiyyət obyektiv təhlil aparmağı, tənqidi düşüncəni inkişaf etdirməyi bacarıb, öyrəniblər. Cəmiyyətimiz artıq sərbəst şəkildə ağı qaradan ayıra bilir. Müvafiq olaraq, biz həmişə cəmiyyətin istədiyi nəticələri alırıq. Cəmiyyətin hakimiyyəti maksimal şəkildə öz əlinə ala bildiyi vətəndaş cəmiyyətinin inkişafı seçkilərdə düzgün mövqenin ifadə olunması ilə özünü göstərir. Biz malik olduğumuz nəticələri almışıq. Ölkənin inkişafında heyrətamiz uğura sahibik.

Bu gün rəqiblərimiz tərəfindən hansı bəyanatlar verilməsindən asılı olmayaraq, obyektiv olmasa, gürcü cəmiyyəti ona reaksiya vermir. Əhali ağı qaradan ayırmağı, düzgün seçim etməyi öyrənib. Ümid edirəm ki, bu gün ictimaiyyət fəal olacaq, maksimal şəkildə seçki qutularına gedərək düzgün seçim edəcək” – İvanişvili bildirib.