15 fevral Beynəlxalq Uşaqlıq Xərçəngi Günüdür. Bu tarixdə işğal olunmuş ərazilərdən olan məcburi köçkünlər, əmək, səhiyyə və əhalinin sosial müdafiəsi naziri Mixeil Sarjveladze İaşvili adına Mərkəzi Uşaq Xəstəxanasında olub.

Mixeil Sarjveladze müalicəsini başa vuran onkoloji diaqnozu olan xəstələrdən birini sağalması münasibətilə təbrik edib.

Sarjveladze digər benefisiarlara da baş çəkib və onların müalicə prosesi ilə yerindəcə tanış olub.

Səhiyyə naziri qeyd edib ki, uşağın mənafeyinin müdafiəsi nazirliyin prioritet istiqamətidir. Bu məqsədlə xəstələrin yüksək keyfiyyətli tibbi xidmətlərə çıxışını təmin edən proqramlar davam etdiriləcək və daha da inkişaf etdiriləcəkdir.

Tədbirdə həkimlər, tibb bacıları, administrasiya nümayəndələri, “Beri Andria Xeyriyyə Fondu”nun təsisçisi Tinatin Çxvimiani iştirak ediblər.

Onkoloji diaqnozu olan 18 yaşınadək bütün benefisiarlar Gürcüstan, İspaniya, İsrail və Türkiyənin aparıcı, yüksək texnologiyalı tibb müəssisələrində dövlət tərəfindən tam maliyyələşdirilən müalicə alacaqlar.

Bu barədə məlumatı Səhiyyə Nazirliyinin mətbuat xidməti yayıb.