Aviaşirkətlər, may ayının sonunda Avropada uçuşların ləğv edilməsinə məcbur qala bilər, bunun səbəbi isə aviasiya yanacağında yaranan çatışmazlıqdır – bu barədə Beynəlxalq Hava Nəqliyyatı Assosiasiyası (International Air Transport Association) məlumat verib.

Assosiasiya hökumətləri yanacaq üzrə mümkün məhdudiyyətlərin tətbiqi halında konkret və yaxşı koordinasiya olunmuş planlar hazırlamağa çağırıb.

“May ayının sonunda yanacaq çatışmazlığı səbəbindən Avropada uçuşların ləğvi başlaya bilər. Bu proses artıq Asiyanın bəzi bölgələrində müşahidə olunur. Əgər rasionlaşdırma zəruri olarsa, hökumətlərin yaxşı koordinasiya olunmuş planları olmalıdır,” – deyə assosiasiyanın baş direktoru Uilli Uolş bildirib.

CNN-in yazdığına görə, İranla müharibənin başlamasından sonra aviasiya yanacağının qiyməti təxminən iki dəfə artıb.