Benyamin Netanyahu İsrail Silahlı Qüvvələrinin İranın dəstəklədiyi yəmənli “Husi”lərə qarşı fəaliyyət göstərməyə davam edəcəyini bildirir

İsrailin Baş naziri Benyamin Netanyahu İsrail Silahlı Qüvvələrinin İranın dəstəklədiyi yəmənli “Husi”lərə qarşı fəaliyyət göstərməyə davam edəcəyini bildirir.

Netanyahu, bunun təkcə İsrail üçün deyil, bütün beynəlxalq ictimaiyyət üçün baş verdiyini söyləyir. O, “Husi”ləri beynəlxalq asayişi pozmaqda və dəniz hərəkəti üçün təhlükə yaratmaqda günahlandırıb.

“İranın şər oxuna qarşı baş verdiyi kimi “Husi”lərə qarşı da sərt davranacağıq” – Netanyahu bildirib.

İsrailin Baş nazirinin videomüraciətinədək İsrailin Hərbi Hava Qüvvələri bir neçə gün əvvəl “Husi”lərin Təl-Əviv istiqamətində atdığı raketə görə Yəməndə Hudeyda limanına zərbə endirib.