İsrailin Baş naziri Benyamin Netanyahu Gürcüstanın Baş naziri İrakli Kobaxidzeni Gürcüstanın Müstəqillik Günü münasibətilə təbrik edir. Bu barədə məlumatı Gürcüstanın Hökumət Administrasiyasının mətbuat xidməti yayır.

Benyamin Netanyahu bildirib ki, İsrail və Gürcüstanın əsrlər boyu ümumi dəyərlərə və dərin tarixi bağlara söykənən xüsusi əlaqələri var.

“Cənab Baş nazir, İsrail Dövləti adından gürcü xalqını 26 May Müstəqillik Günü münasibətilə ürəkdən təbrik edirəm. İsrail və Gürcüstanın əsrlər boyu ümumi dəyərlərimizə və dərin tarixi bağlarımıza söykənən xüsusi əlaqələri var. Son illərdə ölkələrimiz arasında mövcud sıx əlaqələr turizmin kəskin artımı ilə də xarakterizə olunur, bu isə mədəni mübadilə və qarşılıqlı faydalı əməkdaşlıq üçün mühüm vasitədir. Fürsətdən istifadə edir və Siz və hökumətinizin Gürcüstandakı yəhudi icmasına göstərdiyiniz tolerantlığa görə minnətdarlığımı bildirirəm. Sizə uğurlar və rifah arzulayıram” – İsrailin Baş naziri Benyamin Netanyahu İrakli Kobaxidzenin aldığı təbrik məktubunda qeyd edir.