Amerika Birləşmiş Ştatlarındakı dostlarımızla daim əlaqə saxlayırıq, prezident Donald Trampla demək olar ki, hər gün danışıram – bu haqda İsrailin Baş naziri Benyamin Netanyahu açıqlayıb.

Netanyahunun qeyd etdiyi kimi, daha sonra Amerika Birləşmiş Ştatlarının Prezidenti ilə yenidən telefon danışığı aparacaq.

İsrailin Baş nazirinin bəyanatına əsasən, tərəflər arasında tam koordinasiya mövcuddur və onların ortaq məqsədi İrandan zənginləşdirilmiş uranın tamamilə çıxarılmasıdır.

“Ortaq məqsədlərimiz var. Ən mühüm məqsəd İrandan zənginləşdirilmiş uranın çıxarılmasıdır və onun zənginləşdirmə imkanını məhv etməkdir. Prezident Tramp hesab edir ki, buna istənilən yolla nail olacaq. Biz istənilən ssenariyə hazırıq – bu, İsrail Müdafiə Qüvvələrinə və kəşfiyyat xidmətlərinə verdiyim göstərişimdir. İsrail heç vaxt olmadığı qədər daha güclüdür. İran və onun marionetləri heç vaxt olmadığı qədər daha zəifdir” – Benyamin Netanyahu bildirib.