Belçikanın Qaçqınlar və Vətəndaşlığı olmayan Şəxslər üzrə Baş Komissarının Ofisində (CGRS) gürcü qeyri-hökumət təşkilatı və media vasitəsinin onların adından seçkilərlə bağlı yalan məlumat yaydığını bildirirlər.

Komissarın Ofisində izah edirlər ki, onların adından yayılan məlumat həqiqətə uyğun deyil, eləcə də məlumata əlavə edilən məktub saxtalaşdırılıb.

CGRS-də bununla əlaqədar müvafiq hüquqi tədbirlərin görülməsini nəzərdən keçirdiklərini bildirirlər.

“Sosial şəbəkədə “BelGeo” qeyri-hökumət təşkilatının (https://www.facebook.com/profile.php?id=61559839102804) paylaşımı yayıldı və daha sonra “Netgazet” qəzeti bunu paylaşdı. Paylaşımda deyilir ki, CGRS gürcü diasporunun nümayəndələrini seçkilərdə iştirak etmək üçün qeydiyyatdan keçməyə çağırır. Bu məlumat həqiqətə uyğun deyil. CGRS heç vaxt belə məlumat yaymayacaq. Paylaşıma məktub əlavə edilib və paylaşımın müəllifi onun CGRS-ə məxsus olduğunu iddia edir. CGRS sözügedən məktubun məzmunundan tamamilə ayrılır və məktubun saxtalaşdırıldığını xüsusilə vurğulayır. Müvafiq olaraq, CGRS müvafiq hüquqi tədbirlərin görülməsini nəzərdən keçirir” – Komissarın Ofisi tərəfindən yayılmış bəyanatda deyilir.