“BBC” – Kentukki ştatının poçt bülletenində Kamala Harrisin adının yanında işarənin qoyulduğunu göstərən şəkil yayıldı, seçki komissiyası məlumatı təkzib edir

 Kentukki ştatının poçt bülletenində Kamala Harrisin adının yanında işarənin qoyulduğunu göstərən şəkil sosial mediada yayıldı, seçki komissiyası məlumatı təkzib edir – bu haqda “BBC” yazır.

“BBC”nin qeyd etdiyi kimi, bu o deməkdir ki, başqa namizədə səs verilməsi bülleteni etibarsız edəcək.

Sosial şəbəkələrin birində şəkli üç milyondan çox insan görüb.

“BBC Verify” Kentukki ştatının Seçki Şurası ilə əlaqə saxladı və onlar bu bəyanatı təkzib etdilər. Onlar bu vaxtadək 130 000 bülletenin göndərildiyini və poçt bülletenlərində əvvəlcədən çap edilmiş işarələrin olması ilə bağlı heç bir şikayətin olmadığını bildiriblər.

“Heç kim Seçki Administrasiyasına və ya hüquq-mühafizə orqanlarına əvvəlcədən işarələnmiş bülleteni təqdim etmədiyinə görə, Kentukkidə ən azı bir seçki bülletenində ola bilsin əvvəlcədən çap edilmiş işarənin olması haqda bəyanat hazırda yalnız sosial media məkanında mövcuddur” – Kentukki ştatının Seçki Şurasından bildiriblər.

Seçki Şurası təsdiq edib ki, Kentukkinin poçt bülletenləri halında, mürəkkəblə birdən çox namizədin seçimi işarələnibsə, seçici özünün seçdiyi namizədi dairəyə alacağı təqdirdə, bülleten sayılacaq.