Batumi Bələdiyyəsi güclü külək səbəbilə şəhərdə yaranmış problemlərlə bağlı məlumat yayıb.

Batumi Bələdiyyəsinin bildirdiyinə görə, Gorgasali küçəsində iki vətəndaş xəsarət alıb, onlar tibbi müəssisəyə yerləşdiriliblər və həyatlarına təhlükə yoxdur.

Şəhərin bəzi hissələrində elektrik enerjisinin verilişi bərpa olunub, bərpa işləri aktiv rejimdə davam edir.

“Bəzi yaşayış binalarının dam örtükləri zədələnib. Bir neçə küçədə və mərkəzi parkda ağaclar və avtomobillər də zərər görüb. Müvafiq bələdiyyə xidmətləri Fövqəladə Halların İdarəolunması Xidməti ilə birlikdə vəziyyəti monitorinq edir və hər bir hadisəyə dərhal reaksiya veriləcək. Batumi Beynəlxalq Hava Limanında bütün reyslər yerinə yetirilib,” – deyə məlumatda qeyd olunur.