Basketbol üzrə Avropa Çempionatı başlayır. Avqustun 27-dən 2025-ci ilin qitə birinciliyinə dörd ölkə – Latviya, Polşa, Kipr və Finlandiya ev sahibliyi edəcək. Gürcüstanın Birinci Kanalı və Birinci Kanal İdman çempionatın oyunlarının birbaşa reportajlarını sizə təqdim edəcək.

İştirakçı komandalar:

Avropa çempionatında dörd qrupa bölünəcək 24 komanda iştirak edəcək. Qrup mərhələsindən sonra 16 ən yaxşı komanda mübarizəni bir oyunluq olimpiya sisteminin tətbiq olunacağı pley-off mərhələsində davam etdirəcək. Çempionatın pley-off mərhələsi Latviyanın paytaxtı Riqada keçiriləcək. Turnirin yeganə debütantı C qrupunun ev sahibi Kiprdir.

“EuroBasket” ilk dəfə 1935-ci ildə Cenevrədə keçirilib və Latviya yığması çempion olub. O vaxtdan bəri turnir “FIBA ​​Europe”ın təşkilatçılığı ilə keçirilir. Əvvəlcə iki ildən bir keçirilirdi, 2017-ci ildən isə dörd ildən bir keçirilir. Çempionatda ən çox Sovet İttifaqının yığması qalib olub – 14 titul. Yuqoslaviya 8 dəfə qalib gəlib. Müasir dövrdə isə lider 4 dəfə Avropa çempionu (2009, 2011, 2015, 2022) olan İspaniyadır. İspaniya həmçinin “EuroBasket”in hazırkı qalibidir, 2022-ci ildə finalda ispanlar Fransanı məğlub etdilər.

Gürcüstan yığması:

Gürcüstan yığması ardıcıl altıncı dəfə “EuroBasket”də çıxış edəcək. Serb mütəxəssis Aleksandar Cikiçin çalışdırdığı komanda fevralda kvalifikasiya mərhələsinin həlledici qarşılaşmasında Tbilisidə Danimarka yığmasını məğlub etdi. Turnirdən əvvəl ürək aritmiyasına görə komandaya iki həftə ərzində yoldaşlıq görüşlərində kapitan Tornike Şenqelia kömək edə bilmirdi, onun ilk iki matçda çıxışı sual altındadır, lakin özünün dediyi kimi, komandaya kömək etmək üçün hər şeyi edəcək.

Gürcüstan yığması C qrupunda mübarizə aparacaq, İspaniya, İtaliya, Yunanıstan, Kipr və Bosniya və Herseqovina onun rəqibləri olacaq.

Gürcüstan yığmasının “EuroBasket”dəki təqvimi:

28 avqust, 16:00 | Gürcüstan – İspaniya

30 avqust, 16:00 | Gürcüstan – İtaliya

31 avqust, 16:00 | Gürcüstan – Yunanıstan

2 sentyabr, 19:15 | Gürcüstan – Kipr

4 sentyabr, 16:00 | Gürcüstan – Bosniya və Herseqovina

Gürcüstanın Birinci Kanalı və Birinci Kanal İdmanda “EuroBasket”in birbaşa reportajları avqustun 27-də başlayacaq. İlk matçı Riqadan sizə təqdim edəcəyik, günün mərkəzi oyununda Latviya və Türkiyə yığmaları üz-üzə gələcək. Matç saat 19:00-da başlayacaq.