Basketbol | Gürcüstanın 20 yaşadək basketbolçulardan ibarət millisi Estoniyanı məğlub etdi və qrupda dördüncü yeri tutdu #1TVSPORT

B divizionunda Gürcüstanın 20 yaşadək basketbolçulardan ibarət millisi qrup mərhələsini başa vurdu. Komandamız son oyunda Estoniya yığmasını 92:81 hesabı ilə məğlub etdi.

Bu qarşılaşmada Gürcüstanın beş komandalı qrupda üçüncü, dördüncü, yoxsa beşinci yeri tutacağı müəyyənləşməli idi. Məsələ burasındadır ki, gürcülərin qələbəsi halında üç komanda – İsveçrə, Estoniya və Gürcüstan eyni sayda qələbə toplamış olacaqdı. Millilər turnir cədvəlindəki yerlərini öz aralarındakı oyunlarda atılan və buraxılan xallara əsasən bölüşəcəkdilər.

Yekunda hər üç komandanın aktivində bir qələbə oldu. İsveçrənin xal fərqi +9, Gürcüstanın -2, Estoniyanın isə -7 təşkil etdi. Müvafiq olaraq, İsveçrə üçüncü, Gürcüstan dördüncü, Estoniya isə beşinci yeri tutdu.

Gürcülər mübarizəni doqquzuncu yer uğrunda davam etdirəcəklər. Növbəti oyunlarını iyulun 17-də A qrupunun üçüncüsü ilə (rəqib hələ müəyyənləşməyib) keçirəcəklər.