Batumi Katedralinda binanın çökməsi qurbanlarının vətəndaş cənazə mərasimi davam edir.

Baş nazir İrakli Qaribaşvili və hökumət üzvləri mərhumun ailə üzvlərinə və yaxınlarına başsağlığı veriblər.

Gürcüstanda matəm günüdür. Ölkə daxilində bütün inzibati binalarda dövlət bayraqları endirilib.

Batuminin 26 May küçəsindəki yaşayış binasının bir hissəsi oktyabrın 8 -də, saat 12:00 radələrində çöküb. Doqquz nəfər həlak olub, biri yaralanıb. Daxili İşlər Nazirliyi binanın çökməsi ilə bağlı aparılan araşdırma çərçivəsində 3 nəfəri saxlayıb. Prokurorluq onları insan ölümü və ağır nəticələrlə nəticələnən tikinti işləri zamanı təhlükəsizlik qaydalarını pozmaqda ittiham edib. Saxlanılan şəxslər barəsində həbs qətimkan tədbiri seçilib.