Bank Assosiasiyası – Gürcüstanda kommersiya bankları beynəlxalq qaydalarla müəyyən edilmiş standartlara və sanksiyalara uyğun fəaliyyət göstərirlər

Gürcüstanda kommersiya bankları ciddi şəkildə beynəlxalq qətnamələrlə müəyyən edilmiş standartlara və sanksiyalara uyğun fəaliyyət göstərir, – Gürcüstan Bank Assosiasiyasının bəyanatında deyilir.

“Biz Gürcüstan Milli Bankının bəyanatına qoşuluruq və Banklar Assosiasiyası adından qeyd edirik ki:

Son günlər Rusiyanın müxtəlif kanalları Milli Bankın sanksiyaya məruz qalan maliyyə qurumlarına məhdudiyyətlər qoymaması barədə məlumat yayıb. Bu, yalan və bu gün Ukraynada gedən müharibə və təcavüzün bir hissəsidir.

Gürcüstanda kommersiya bankları ciddi şəkildə beynəlxalq qətnamələrlə müəyyən edilmiş standartlara və sanksiyalara uyğun fəaliyyət göstərir.

Bank sektoru ölkənin aparıcı sektorudur, onun bu illər ərzində gücünü və davamlılığını şərtləndirən amillərdən biri də beynəlxalq normalara, təcrübə və standartlara ciddi riayət olunmasıdır.

“Bu gün bütün Gürcüstan Ukrayna xalqının yanında olduğu və onun demokratik dəyərlər uğrunda ədalətli mübarizəsini dəstəklədiyi bir vaxtda dezinformasiyanın və yalan məlumatların yayılmasının qarşısını almaq vacibdir”, – Gürcüstan Banklar Assosiasiyasının bəyanatında deyilir.