Azərbaycan Respublikasının müdafiə naziri general-polkovnik Zakir Həsənov Gürcüstana səfəri çərçivəsində Muxrovanidə mayor Qela Cedia adına Xüsusi Əməliyyatlar Komandanlığı bazasını ziyarət edib.

Gürcüstanın vitse-baş naziri, müdafiə naziri İrakli Çikovani və Müdafiə Qüvvələrinin komandanı, general-leytenant Qiorqi Matiaşvili ona hərbi hissədə ev sahibliyi ediblər.

Qonaqlar Xüsusi Əməliyyatlar Komandanlığı bazasının infrastrukturuna, həmçinin komandanlığın silah və texnikasına baxış keçiriblər. Görüş zamanı Xüsusi Əməliyyatlar Komandanlığının komandanı, polkovnik Teymuraz Ğlateişvili komandanlığın fəaliyyəti barədə məlumat verib və xatirə lövhəsi təqdim edib.

Müdafiə Nazirliyinin digər rəhbər şəxsləri də hərbi hissədə olublar.