Azərbaycan ola bilsin, Ukraynaya silah göndərilməsinə qoyulan embarqonu ləğv etsin – bu barədə Azərbaycan Prezidenti İlham Əliyevə yaxın “Telegram” kanalları yazırlar.

Xüsusilə, Rusiya Ukraynada yerləşən Azərbaycanın obyektlərinə raket zərbələrini davam etdirsə, Azərbaycan hakimiyyəti ola bilsin, öz ehtiyatlarından Ukraynaya silah göndərilməsinə qoyulan embarqonu ləğv etsin.

Rus “Telegram” kanalları xəbər verirlər ki, “Bakı Ukraynaya göndərəcəkləri 122 və 155 mm-lik artilleriya mərmilərinin istehsalına artıq başlayıb”.

Bundan əvvəl, Azərbaycan Prezidenti Volodimir Zelenski ilə telefon danışığı aparıb, liderlər Rusiya tərəfindən Odessa vilayətində Azərbaycanın neft bazasına endirilən zərbələri pisləyiblər.

Məlumat üçün bildirək ki, Rusiya Silahlı Qüvvələri avqustun 6-da və 8-də Odessada yerləşən Azərbaycan dövlət şirkəti “SOCAR”ın neft bazasına və təbii qazın ötürülməsi üçün zəruri olan stansiyaya hücumlar həyata keçirib. Qısa müddət əvvəl məlum olmuşdu ki, Ukrayna Transbalkan dəhlizi vasitəsilə Azərbaycandan təbii qaz alıb.