Gürcüstan vətəndaşlarının Ursula fon der Laienin nə istədiyinə və ya nə deməsinə deyil, öz maraqlarına səs verdiyini etiraf etmək istəmirik – bu haqda avropalı parlamentari Danilo Dela Vale Avropa Parlamentində Gürcüstan məsələsi ilə bağlı davam edən debatlarda çıxışı zamanı deyib.

Danilo Dela Vale, Avropa İttifaqına başqalarına qarşı təhdid və təzyiqdən daha çox ikitərəfli münasibətlərin lazım olduğunu bildirib.

“Biz yavaş-yavaş üçüncü dünya müharibəsinə doğru yol aldıqca, Gürcüstandakı seçkilər və etirazla bağlı səkkiz bəyanat eşitdik, lakin fələstinliləri qətlə yetirən Netanyahunu pisləyən qətnaməyə səs vermirik. Biz vaxtı israf edirik. Gürcüstan vətəndaşlarının Ursula fon der Laienin nə istədiyinə və ya nə deməsinə deyil, öz maraqlarına səs verdiyini etiraf etmək istəmirik. Avropa miqyasında tələbələr küçələrə çıxır və daha çox hüquqlar tələb edirlər, gənclik küçələrə çıxır və fələstinlilərin hüquqlarını tələb edir. Avropa İttifaqı hökumətin yeni seçildiyi Gürcüstana köklənib və orada başqa maraqları, NATO-nun qayğısına daha çox qalanları həvəsləndirirlər. Bizə başqalarına qarşı təhdid və təzyiqdən daha çox ikitərəfli münasibətlər lazımdır” – Danilo Dela Vale bildirib.