Avropalı xarici işlər nazirləri və Avropa İttifaqının ali nümayəndəsi Rusiyanı Ukraynada atəşkəslə razılaşmağa çağırırlar

Avropalı xarici işlər nazirləri və Avropa İttifaqının ali nümayəndəsi Rusiyanı Ukraynada atəşkəslə razılaşmağa çağırırlar.

Avropa İttifaqının ali nümayəndəsi Kaia Kalas Rusiyanı xoşməramlılıq nümayiş etdirməyə çağırıb və ABŞ-dan münaqişəni bitirmək üçün Kremlə təzyiq göstərməsini istəyib.

İspaniyanın xarici işlər naziri Xose Manuel Albares qeyd edib ki, onun hökuməti dondurulmuş rus aktivlərindən Ukraynaya yardımın maliyyələşdirilməsi üçün istifadəni dəstəkləyir. Fransanın xarici işlər naziri Jan-Noel Baro bildirib ki, Rusiya sülhə nail olmaq istəyib-istəmədiyi ilə bağlı ABŞ-a aydın cavab verməlidir.

Sülhməramlı qüvvələrin Ukraynaya yerləşdirilməsi məsələsinə gəlincə, Polşanın xarici işlər naziri Radoslav Sikorski bildirib ki, xarici qoşunların öz ərazisində nə vaxt və ya ümumiyyətlə olmasını istəyib-istəmədiyinə Kiyev qərar verəcək.