Avropada təbii qazın qiyməti İranda müharibənin başladığı dövrdəki səviyyəyə çatıb və son dörd ay ərzində ilk dəfə olaraq meqavat-saat üçün 60 avronu keçib
Avropada təbii qazın qiymətləri İranda müharibənin başladığı dövrdəki səviyyəyə qayıdıb. ICE birjasının məlumatlarına əsasən, iyulun 20-də son dörd ay ərzində ilk dəfə olaraq Avropada təbii qazın dəyəri meqavat-saat üçün 60 avronu keçib.
Qiymətlərin artması ABŞ və İran arasında gərginliyin yeni mərhələdə kəskinləşməsi və Hörmüz boğazı vasitəsilə təbii qazın tədarükü ilə bağlı yaranan təhlükə ilə əlaqədardır.
“Kpler” şirkətinin məlumatına əsasən, iyulda Avropaya durulaşdırılmış təbii qazın idxalı təxminən 9,5 milyard kubmetrə qədər azala bilər. İllik azalma isə təxminən 2,5 milyard kubmetr təşkil edə bilər.
Ehtiyatların aşağı səviyyəsi qiymətlərin artması üçün əlavə amildir. İyulun 14-nə olan vəziyyətə görə, Avropanın qaz anbarları sadəcə 52,8% dolu idi ki, bu da ötən ilin eyni dövrü ilə müqayisədə on faiz bəndi azdır.
2025-ci ilin göstəriciləri ilə müqayisədə indi təbii qaz ehtiyatlarının doldurulma tempi daha aşağıdır. Bununla yanaşı, yay müqavilələri qış müqavilələrindən daha bahaya satılır. İyulun 17-sinə olan vəziyyətə görə, fərq meqavat-saat üçün orta hesabla 2,4 avro təşkil edib.
Bazarın belə strukturu treyderlərin anbarlara əvvəlcədən təbii qaz vurmaqda kommersiya marağını azaldır və Avropanın qışa kifayət qədər ehtiyat hazırlaya bilməməsi riskini artırır.