“Çevik ruh” bizə qarşılıqlı uyğunluğu artırmağa imkan verən strateji təlimdir – bu barədə ABŞ-nin Avropa və Afrikadakı 7-ci Ordusunun Təlimlər Komandanlığının komandanı briqada generalı Terri Tilis Gürcüstanda çoxmillətli hərbi təlim “Agile Spirit 2025″in rəsmi açılışında çıxışı zamanı deyib.

O, tərəfdaşlığın təcrübə mübadiləsi aparmağa imkan verdiyini bildirib.

“Amerika Birləşmiş Ştatlarının Avropa və Afrikadakı Komandanlığı adından xüsusilə qeyd etmək istəyirəm ki, bu, bizə qarşılıqlı uyğunluğu artırmağa imkan verən strateji, təkrar edirəm, strateji təlimdir. Daha da əhəmiyyətlisi, Gürcüstanın Müdafiə Qüvvələri təlimə rəhbərlik edir, planlaşdırma prosesini apardılar və təlimlərə hazırlaşdılar. Təlimin icrası prosesində gürcü tərəfi bütün iştirakçı ölkələrə müşahidəçilər, nəzarətçilər və təlimatçılarla birlikdə rəhbərlik edir, bu da təlimdə iştirak edən bütün bölmələrin hazırlıq səviyyəsinin yüksəlməsinə kömək edəcək. Bu tərəfdaşlıq bizə birlikdə təlim keçməyə, bir-birimizlə təcrübə mübadiləsi aparmağa və bir-birimizi daha yaxşı tanımağa imkan verir” – Terri Tilis bildirib.

Gürcüstanda çoxmillətli hərbi təlim “Agile Spirit 2025″in rəsmi açılışı olub.