Bakurianidə sizləri salamlayıram, salam, Gürcüstan. Gözəl Bakurianidə 17-ci Avropa Gənclər Qış Olimpiya Festivalını qeyd etmək üçün əla qarşılamaya görə sizə təşəkkür edirəm – bu haqda Avropa Olimpiya Komitələrinin Prezidenti Spiros Kapralos Avropa Gənclər Qış Olimpiya Festivalının açılış mərasimində çıxışı zamanı deyib.

Spiros Kapralos idmançılara uğurlar arzulayıb və “Bakuriani 2025″in Təşkilat Komitəsinə təşəkkür edib.

“10 il əvvəl Tbilisidə keçirilən 13-cü Avropa Gənclər Yay Olimpiya Festivalının uğurundan sonra biz hər zaman inanırdıq ki, Gürcüstan yenidən qitəmizin gənc idmançıları üçün möhtəşəm tədbirə ev sahibliyi edəcəkdi. Mən artıq hiss edirəm ki, festivalın ruhu canlıdır və burada aydın hiss olunur. Artıq heyrətamiz çıxışın şahidi olduq, bizim 45 iştirakçı ölkənin idmançılarının paradını izlədik, bu da yarışöncəsi həyəcanı daha da gücləndirir. Avropa Gənclər Olimpiya Festivalları Avropa Olimpiya Hərəkatında çox mühüm rol oynayır. Bir çox gənc idmançılarımız üçün bu, onların Avropanın ən yaxşı idmançılarına qarşı özlərini göstərmək və özlərini sınamaq imkanı qazanacaqları ilk beynəlxalq multidissiplinar yarış olacaq. Avropalı səfirlərimiz sayəsində siz keçən yay Parisdə gördüyümüz və gələn il Milan Kortinada yenidən görəcəyimiz bizi birləşdirən dəyərləri və ruhu yaşayacaqsınız, Olimpiya ruhu idmançıları karyeraları boyu müşayiət edir. Bu yol məhz buradan başlayır. Bütün idmançılara yarışlarınızda uğurlar arzulayıram və ümid edirəm ki, Bakurianidən gümrah və məmnun qayıdacaqsınız. “Bakuriani 2025″in Təşkilat Komitəsinə bu tədbirin uğurlu keçməsini təmin etmək üçün göstərdiyiniz zəhmətə görə təşəkkür edirik. Və sonda, könüllülərimizə fədakarlığınıza və bizi hər zaman salamladığınız səmimi təbəssümə görə təşəkkür edirik” – Spiros Kapralos bildirib.