Avropa Mərkəzi Bankı öz faiz dərəcəsini dörddə bir bəndlə 2.25 faizə qədər endirib

Avropa Mərkəzi Bankı öz faiz dərəcəsini dörddə bir bəndlə 2.25 faizə qədər endirib. Avropa Mərkəzi Bankı bir il ərzində yeddinci dəfə faiz dərəcəsini endirib.

Əmanət, əsas yenidən maliyyələşdirmə əməliyyatları və marjinal kreditləşmə üzrə faiz dərəcələri müvafiq olaraq 2,25%-ə, 2,40%-ə və 2,65%-ə endiriləcək.

Əsas yenidən maliyyələşdirmə əməliyyatları üzrə faiz dərəcəsi bankların Avropa Mərkəzi Bankından borc götürdükləri zaman ödədikləri dərəcədir.

“Avrozonanın iqtisadiyyatı qlobal şoklara qarşı bir qədər dayanıqlıq qazandı, lakin artan ticarət gərginliyi ilə böyümə perspektivi pisləşdi. Artan qeyri-müəyyənlik, ehtimal ki, ev təsərrüfatları və firmalar arasında etibarı azaldacaq, arzuolunmaz və dəyişkən bazar reaksiyası isə ticarət gərginliyinə, ehtimal ki, maliyyələşdirmə şərtlərinə sərtləşdirici təsir göstərəcək” – Avropa Mərkəzi Bankının bəyanatında qeyd olunub.

Qərb mediasının qiymətləndirməsinə əsasən, bankın qərarı, ABŞ Prezidenti Donald Trampın rüsumları səbəbindən yaranan qlobal ticarət gərginliyinin Avrozonanın iqtisadi artımına təhlükə yaratmasından sonra qəbul edilib.

Hazırda Donald Tramp Avropa İttifaqının ABŞ-a ixracına 10 faiz vergi tətbiq edib və daha yüksək, 20 faiz rüsumla hədələyib. 10 faiz əsas vergidən başqa, Tramp ABŞ-a göndərilən bütün alüminium və polad məhsullarına 25 faiz rüsum, eləcə də avtomobillərə 25 faiz vergi tətbiq edib.