Avropa Komissiyası Macarıstana qarşı məhkəmədə iddia qaldırıb. Məsələ qeyri-leqal miqrantlarla bağlı qanun pozuntusuna aiddir. Avropa İttifaqında hesab edirlər ki, Macarıstan Avropa İttifaqının ərazisinə qanunsuz keçirmələri həyata keçirən qanun pozucularına qarşı effektiv, proporsional və çəkindirici sanksiyalar tətbiq etməyi nəzərdə tutan öhdəliyini yerinə yetirmir.

Əvəzində Macarıstanda 2023-cü ildə qeyri-qanuni miqrantların Avropa İttifaqının ərazisinə qanunsuz keçirilməsində iştirak edən qanun pozucularını cinayət məsuliyyətindən azad edən fərman qəbul ediblər. Macarıstan bu cür məhkumları həbs əvəzinə həbsxanadan azad edir və onlara ölkəni tərk etmək üçün 72 saat vaxt verir. Avropa Komissiyasında hesab edirlər ki, belə bir fərman Avropa İttifaqının direktivinə və qeyri-qanuni keçirmələrlə mübarizəyə yönəlmiş səylərə balta vurur.

“Bu gün Avropa Komissiyası miqrantların qanunsuz keçirilməsi ilə bağlı Avropa İttifaqının qanunvericiliyini pozduğuna görə Macarıstana qarşı işi Avropa İttifaqının Məhkəməsinə göndərmək qərarını verib” – Avropa Komissiyasının nümayəndəsi bildirib.