Avropa İttifaqının üzvü olan yeddi ölkə Ukraynaya maliyyə yardımını təmin edə bilmələri üçün Brüsseli dondurulmuş rus aktivlərindən istifadə məsələsi ilə əlaqədar mümkün qədər tez hərəkət etməyə çağırır – bu haqda Estoniya, Finlandiya, İrlandiya, Latviya, Litva, Polşa və İsveç liderlərinin Avropa Şurasının prezidenti Antoniu Koşta və Avropa Komissiyasının prezidenti Ursula fon der Laienə göndərdiyi birgə məktubda qeyd olunub.

Məktubda qeyd olunduğu kimi, “Ukraynanın azadlıq və müstəqillik uğrunda mübarizəsini dəstəkləmək təkcə mənəvi borc deyil, həm də öz maraqlarımıza uyğundur”.

“Buna görə də dondurulmuş rus aktivlərindən vəsaiti Ukraynaya reparasiya krediti üçün istifadə etmək üçün Komissiyanın təklifi ilə bağlı tez bir zamanda hərəkət etməliyik” – Estoniya, Finlandiya, İrlandiya, Latviya, Litva, Polşa və İsveç liderlərinin birgə məktubunda deyilir.