Bu çətin zamanda gürcü xalqının yanındayıq. Aksiyalar və hökumətin onlara reaksiyasının dinc şəkildə qalması mühümdür – bu haqda Avropa İttifaqına üzv 13 ölkənin nazirlərinin birgə bəyanatında deyilir.

“Gürcüstanda mövcud vəziyyətdən dərin narahatıq. Beynəlxalq müşahidəçilər hesabatlarda seçki kampaniyası və seçki günü ərzində qanun pozuntuları haqda danışdılar. Biz azad və ədalətli seçkilərin beynəlxalq standartlarını pozan bütün hərəkətləri pisləyirik. Biz onların narahatlığını bölüşür, şikayətlərin obyektiv şəkildə təhqiq edilməsini və müəyyən edilmiş pozuntuların aradan qaldırılmasını tələb edirik. Bu çətin zamanda gürcü xalqının yanındayıq. Aksiyalar və hökumətin onlara reaksiyasının dinc şəkildə qalması mühümdür. Seçki bütövlüyünün pozulması Avropa İttifaqı üzvlüyünə namizəddən gözlədiyimiz standartlara uyğun gəlmir. Bu, gürcü xalqının qanuni Avropalı istəklərinə xəyanətdir. Qanunun aliliyinin və azad, ədalətli seçkilərin qorunması Gürcüstanın Avropa İttifaqı yolunda irəliləməsi üçün zəruri şərtdir. Baş nazir Orbanın Gürcüstana vaxtından əvvəl səfərini tənqid edirik. O, Avropa İttifaqının adı ilə danışmır” – Avropa İttifaqına üzv 13 ölkənin nazirlərinin bəyanatında deyilir.

Bəyanatı imzalayırlar: Çexiyanın Avropa işləri üzrə naziri Martin Dvorak, Danimarkanın Avropa işləri üzrə naziri Mari Bere, Almaniyanın Avropa və iqlim məsələləri üzrə dövlət naziri Ana Liurman, Estoniyanın xarici işlər naziri Marqus Tsahkna, Finlandiyanın Avropa işləri və əmlakın idarəedilməsi üzrə naziri İoakim Strand, Fransanın Avropa məsələləri üzrə naziri – nümayəndəsi Benjamin Hadad, İrlandiyanın Avropa İttifaqı məsələləri üzrə dövlət naziri Cenifer Kerol Makneyl, Litvanın xarici işlər naziri Qabrielius Landsberqis, Niderlandın xarici işlər naziri Kaspar Veldkamp, ​​Lüksemburqun xarici işlər, xarici ticarət, əməkdaşlığın inkişafı və humanitar məsələlər üzrə naziri Ksavie Betel, Polşanın Avropa İttifaqı naziri Adam Şpalka, Avropa məsələləri üzrə Portuqaliyanın dövlət katibi İneş Dominqos, İsveçin Avropa İttifaqı məsələləri üzrə naziri İesika Rosenkrants.