Avropa İttifaqı Şurası “Avropa Sülh Fondu” çərçivəsində Moldovaya 120 milyon avro ayıracaq
Avropa İttifaqı Şurası “Avropa Sülh Fondu” çərçivəsində Moldova Respublikasına 120 milyon avro məbləğində yardımın ayrılması barədə qərar qəbul edib.
Qeyd olunan yardım Moldova Respublikasının Silahlı Qüvvələrinin dəstəklənməsinə və ölkənin hava hücumundan müdafiə imkanlarının gücləndirilməsinə xidmət edir.
Bu yardım paketi Moldova Respublikasının Silahlı Qüvvələri üçün orta mənzilli hava hücumundan müdafiə sisteminin maliyyələşdirilməsinə sərf olunacaq.
Qeyd olunan yardım “Avropa Sülh Fondu” çərçivəsində hava məkanının monitorinqi və hava hücumundan müdafiə imkanlarının gücləndirilməsinə yönəlmiş və artıq ayrılmış olan yardım paketlərini tamamlayır.
Bu yardım Moldovanın Silahlı Qüvvələrinə əməliyyat səmərəliliyini daha da yaxşılaşdırmağa və müvafiq olaraq, mülki əhalini daha yaxşı qorumağa imkan verəcək.
Bu yeni yardım nəticəsində, Avropa İttifaqı tərəfindən “Avropa Sülh Fondu” çərçivəsində Moldovaya ayrılan ümumi dəstəyin həcmi 317 milyon avroya çatıb.