Avropa İttifaqı ölkələrinin səfirləri 2027-ci ilin sonuna qədər rus qazının idxalının mərhələli şəkildə dayandırılmasını nəzərdə tutan birliyin planına yaşıl işıq yandırıblar – bu haqda Avropa İttifaqı Şurasına sədrlik edən Danimarka hökumətinin mətbuat katibi deyib.

Avropa İttifaqı ötən həftə blokun rus enerji resurslarından daha az asılı olmasını təmin edəcək qanun üzərində razılığa gəlib. Razılaşmaya əsasən, Avropa İttifaqı 2026-cı ilin sonuna qədər mayeləşdirilmiş rus təbii qazının, 2027-ci ilin sentyabr ayının sonuna qədər isə boru kəmərləri ilə qazın idxalını dayandıracaq.

Medianın məlumatına əsasən, qanun qüvvəyə minməzdən əvvəl rus qazının qadağan edilməsi əvvəlcə Avropa İttifaqı ölkələrinin nazirlərinin görüşündə və Avropa Parlamenti tərəfindən rəsmi təsdiq tələb edir.

Məlum olduğu kimi, Avropa Parlamenti gələn həftə onu səsverməyə çıxaracaq, Avropa İttifaqının nazirləri isə ehtimal ki, gələn ilin əvvəlində təsdiqləyəcəklər.

Avropa İttifaqının rəsmi şəxsləri Macarıstan və Slovakiyanın müqavimətinə baxmayaraq, hər iki tərəfin razılaşmayı səs çoxluğu ilə təsdiqləyəcəyini ehtimal edirlər.