Avropa İttifaqı Belqrad Venesiya Komissiyasının tövsiyələrini yerinə yetirənə qədər Serbiya üçün maliyyələşməni dondurub. Bu haqda məlumatı serb mediası yayır.

Avropa İttifaqının genişlənmə məsələləri üzrə komissarı Marta Kos bildirib ki, Avropa İttifaqı Serbiyanın Venesiya Komissiyasının məhkəmə sistemi və prokurorluqda təsdiq edilmiş dəyişikliklərlə bağlı tövsiyələrini yerinə yetirməsini gözləyir.

Brüsseldə bəyan edirlər ki, Avropa İttifaqının maliyyə yardımı yalnız bundan sonra davam etdirilə bilər.

“Hazırda ədalət mühakiməsi sahəsində geriləmə səbəbindən inkişaf planı çərçivəsində bütün ödənişlər dayandırılıb. Vəziyyət düzələnə qədər Avropa İttifaqının maliyyə dəstəyi bərpa olunmayacaq” – Kos bildirib.

Serb mediasının yazdığı kimi, əgər ölkə məhkəmə sistemi və prokurorluq haqda qanunvericilikdə təsdiq edilmiş dəyişikliklərə aid Venesiya Komissiyasının tövsiyələrinə reaksiya verərsə, Avropa Komissiyası əlavə qiymətləndirmə aparacaq və bundan sonra maliyyə yardımının bərpa olunub-olunmayacağına qərar verəcək.

Medianın məlumatına əsasən, mənfi qiymətləndirmə halında, Serbiyaya ayrılan vəsait eyni proqramda iştirak edən digər ölkələrə paylanacaq.