İyunun 24-də keçiriləcək nazirlər görüşündə Avropa İttifaqı Gürcüstan hökumətinin yüksək rütbəli məmurlarına qarşı sanksiyaları, maliyyə yardımının azaldılmasını və “xarici agentlər” qanununa cavab olaraq vizasız gediş-gəlişin məhdudlaşdırılmasını müzakirə edəcək. – “Euroactive” bu barədə məlumatı Avropa İttifaqının daxili sənədinə əsaslanaraq yayır.

Nəşrin məlumatına görə, Avropa İttifaqının xarici işlər nazirləri çox güman ki, blokun diplomatik xidmətinin tərtib etdiyi variantları müzakirə edəcəklər.

“Avropa İttifaqının cavab verməli olduğuna dair geniş razılıq var. İndi sadəcə düzgün balansı tapmalıyıq”, – deyən Avropa İttifaqı diplomatı əlavə edib ki, tədbirlərin tətbiq edilib-edilməyəcəyi hələ məlum deyil.