Avqustun 25-i günün ikinci yarısından avqustun 26-sı günün sonunadək Sameqrelo-Zemo Svaneti və Raca-Leçxumi, Kvemo Svaneti bölgələrində vaxtaşırı yağış yağacağı, bəzi yerlərdə güclü olacağı gözlənilir

Avqustun 25-i günün ikinci yarısından avqustun 26-sı günün sonunadək Sameqrelo-Zemo Svaneti və Raca-Leçxumi, Kvemo Svaneti bölgələrində vaxtaşırı yağış yağacağı, bəzi yerlərdə güclü intensivliklə olacağı gözlənilir – bu barədə məlumatı Milli Ətraf Mühit Agentliyi yayır.

Sinoptiklərin məlumatına əsasən, şimşək çaxa və külək güclənə bilər.

“Gözlənilən güclü yağıntı çaylarda suyun səviyyəsinin əhəmiyyətli dərəcədə artmasına, kiçik çaylarda daşqınlara, təpəlik və dağlıq zonalarda isə torpaq sürüşməsi və sel proseslərinin yaranmasına və aktivləşməsinə səbəb ola bilər. Təhlükə səviyyəsi orta” – Milli Ətraf Mühit Agentliyinin məlumatında deyilir.